Nëpërmjet një lidhje drejtpërdrejt nga Ankaraja, presidenti Erdogan ka theksuar se Shqipëria është një partner i afërt në Ballkan i Turqisë. Qeveria shqiptare në bashkëpunim me atë turke sot organizoi një ceremoni për hedhjen e themeleve të para të banesave në qytetin e Laçit, pasi një pjesë e konsiderueshme e shtëpive u shkatërruan nga tërmeti i 26 nëntorit vitin e kaluar. Erdogani theksoi nga Turqia se do të kontribuohet një shumë prej 42 milion eurosh që përfshin ndërtimin e rreth 524 banesave në qytetin e Laçit.
Erdogan shprehet se gëzimi dhe pikëllimi që kalon populli shqiptar, ndahet edhe me popullin turk njësoj. Në fund presidenti turk uroi shqiptarët për festën e vitit të ri dhe shpreson që sa më shpejt tu lehtësohet dhimbja që kanë nga humbja që shkaktoi tërmeti. “Shqipëria është miku dhe partneri i afërt në Ballkani qeverisë, çdo gëzim që kalon populli shqiptar është edhe gëzimi jonë dhe çdo pikëllimin që prek shqiptarët është edhe pikëllimi jonë.
Pas tërmetit të të nëntorit morëm vendimin për të ndërtuar shtëpi për vëllezërit tanë shqiptarë, në muaji korrik nënshkruam protokollin e momerandimit, ndërsa sot po organizojmë ceremoninë e hedhjes së themeleve në këto banesa, të cilat do të shëndrohen në një streh të ngrohtë për të gjithë, ky projekt që kushton 42 milion euro dhe afërsisht do përfshijë 524 banesa të jetë i dobishëm. Këto shtëpi do të shërbejnë si një shenjë e re e miqësisë Turqi-Shqipëri. Të gjithë që u prekën nga tërmeti i 26 nëntorit u shpreh ngushëllimet e mia, shpresoj që të hyjnë në një banesë sa më parë. Ju uroj që të jetoni në paqe dhe gëzuar Vitin e Ri”- u shpreh Erdogani.
