Këngëtari i njohur i muzikës shkodrane dhe asaj popullore Bujar Qamili është infektuar nga Covid 19, dhe si pasojë e gjendjes së tij të rënduar është shtruar në spitalin Infektiv në Tiranë. Mësohet se Qamilit i kishin nisur simptomat e Covid prej disa ditësh, dhe gjendja i ishte përkeqësuar shumë shpejt, duke bërë që të ishte e nevojshme trajtimi i tij në spital.
Burime bëjnë me dije se Qamili tashmë ndodhet në terapi intesive dhe po merr ndihmën mjekësore nga mjekët dhe infermierët e spitalit COVID1. Këngëtari 57-vjeçar nuk dihet nëse vuan nga sëmundje shoqëruese që mund të kenë çuar në përkeqësimin e tij, ndërkohë që lutjet e të gjithë artdashësve janë që ai ta fitojë sa më parë betejën me sëmundjen. Miqtë dhe familjarët e tij e mohojnë faktin që Qamili është prekur nga Covid, ndërsa shprehen se ai ndodhet në një spital në Itali, në gjendje të mirë shëndetësore, pas disa problemeve që i janë shfaqur me veshkat.
