Një i ri shqiptar është gjetur vdekur mëngjesin e sotëm në Francë dhe siç raportojnë mediat trupi i viktimës u gjet në një autostradë në Metz.
Media franceze “Francebleu.fr” raporton se viktima është një 26-vjeçar shqiptar azilkërkues.
Sipas medias franceze thuhet se ai u përplas pas një aksidenti që ndodhi në autostradën që lidh Metz-in me Borny-n, në urën “Vignoble”. Dy makina raportohet se kanë përplasur të riun, vdekja e të cilit mbetet ende e dyshimtë.
Nuk dihet nëse ka humbur jetën në një aksident rrugor, apo ka rënë nga ura para se të përplasej nga automjetet.
