Një i moshuar është gjetur i pajetë në banesën e tij, në Kuçovë. Viktima është 67-vjeçari Bardhyl Ali, i cili jetonte vetëm me gruan. Ka qenë kjo e fundit, që ka gjetur bashkëshortin e saj të pajetë në banesë, duke njoftuar menjëherë policinë.
Uniformat blu dhe ekspertët kanë mbërritur në banesë dhe kanë nisur hetimet, ku nga të dhënat e para dyshohet për vdekje natyrale, pasi mendohet se i moshuari ka pësuar atak kardiak. Viktima jetonte në lagjen “1 Maji”, të qytetit të Kuçoves, vetëm me gruan, pasi djali i tij jeton në Angli, ndërsa vajza në Tiranë.
