I zhdukur prej 5 shkurtit, gjendet i vdekur në malet e Këlcyrës, Sokol Rama. 33-vjeçari Sokol Rama kishte humbur kontaktet me familjen e tij në Tepelenë, ndërsa për herë të fundit është lokalizuar përmes telefonit në Përmet. Bashkë me të i zhdukur rezultonte edhe një shoku i tij, me inicialet G.H nga Përmeti, por për të ende nuk ka informacione. I riu nga Përmeti, dyshohet se është fshehur vetë pasi dyshohet se është përfshirë në disa ngjarje me Sokol Ramën.
Sokol Rama është një emër i njohur për policinë, pasi më parë ka qenë i ndaluar për disa vjedhje. Për zhdukjet e mistershme policia po hetonte nëse djemtë ishin përfshirë në ndonjë ngjarje kriminale.
