Pak orë pas atentatit në Shkozet të Durrësit ndaj prokurorit Arjan Ndoja, policia ka gjetur makinën që dyshohet se është përdorur nga autorët.
Makina tip ‘Benz’ Evo ngjyrë gri me targa shqiptare false është gjetur e padjegur në fshatin Shkafanë në zonën e Ishmit.
Gjithashtu brenda në makinë janë gjetur dy maska dhe dy automatikë AK47, që janë përdorur nga autorët kundër prokurorit dhe dy personave të tjerë, shoferit të tij dhe të fortit të Shijakut.
Autorët që kryen atentatin kanë ikur me shpejtësi duke mos arritur që t’i vendosin flakën makinës për të humbur gjurmët, që tani janë në dorën e ekspertëve.
