Një trup i pajetë është gjendur brenda banesës së tij në rrugën “Petro Marko” në Yzberisht të Tiranës.
Sipas njoftimit të policisë, bëhet fjalë për shtetasin me iniciale S.K, (37 vjeç) i cili dyshohet se ka vrarë veten. Grupi hetimor dhe policia kanë mbërritur në vendin e ngjarjes dhe kanë nisur hetimet për të zbardhur ngjarjen.
Njoftimi i policisë Tiranë: Më datë 20.03.2022, në rrugën “Petro Marko” në Yzberisht, është gjetur nga familjarët e tij i pajetë në banesë, dyshohet i vetëvarur, shtetasi S. K., 37 vjeç. Grupi hetimor ndodhet në vendngjarje dhe po punon për sqarimin e rrethanave.
