Kukës,Polumbarët e Reneas nxorën sot trupin e pajetë të të riut që u mbyt dje në një rezervuar në fshatin Shishtavec të Kukësit.
Sipas policisë këtë të premte është bërë i mundur gjetja dhe nxjerrja në breg e trupit të shtetasit S. B., 19 vjeç, banues në fshatin Borje. I riu kishte humbur jetën një ditë më parë në momentin që është futur për tu larë në një rezervuar në fshatin Shishtavec.
Njoftimi i policisë: Më datë 04.09.2020, polumbarët e Reneas, në bashkëpunim me strukturat e DVP Kukës, kanë gjetur dhe nxjerrë trupin e pajetë të shtetasit S. B., 19 vjeç, banues në fshatin Borje. Shtetasi S. B. është mbytur ditën e djeshme gjatë kohës që ka qenë duke u larë në një rezervuar në fshatin Shishtavec.
