Një makinë është djegur gjatë orëve të para të mëngjesit të sotëm në Kombinat. Paraprakisht dyshohet se mjeti që ka qenë i parkuar, në pronësi të shtetasit A.A është djegur si pasojë e një defekti teknik, megjithatë janë duke vijuar hetimet për rastin.
“Gjatë natës, rreth orës 02:50, në rrugën “ Thoma Goxhaj”, në Kombinat, ka rënë zjarr dhe është djegur plotësisht mjeti i parkuar në pronësi të shtetasit A.A. Grupi hetimor dhe shërbimet e Policisë vijojnë punën për zbardhjen e rrethanave të ngjarjes, dhe përcaktimin e shkakut të zjarrit”, njofton Policia.
