Gjashtë persona kanë rezultuar me koronavirus gjatë 24 orëve të fundit në qytetin e Gjirokastrës. Burime për Faxweb.al bëjnë me dije se janë raste të kontakteve të personave të prekur tek një fasoneri e cila u mbyll. Këto raste priten të konfirmohen në përditësimin e Ministrisë së Shëndetësisë. Vihet re se qarku i Gjirokastrës ka pësuar një rritje të rasteve të reja ditën e sotme ndonëse mbetet qarku me më pak raste aktive. Ditën e djeshme, nga 153 raste pozitive, asnjë person nuk rezultonte nga Gjirokastra, ndërsa 69 persona janë raste aktive në këtë qark.