Qeveria amerikane po shpenzon miliarda në zhvillimin e vaksinave efektive kundër Covid-19 për tre kompani: Moderna, Pfizer dhe Novavax. Moderna: Vaksina me ndihmën e Institutit Kombëtar të Shëndetësisë është duke u zhvilluar nga Moderna, një kompani bioteknike me qendër në Kembrixh dhe Msaçusets.
Studimet e fazës së parë treguan, se personat që kanë përdorur këtë vaksinë, kishin zhvilluar një përgjigje imunitare, që është ajo që studiuesit donin të shihnin. Faza e dytë ka filluar në maj, ndërsa Faza e tretë filloi punimet gjatë javës së kaluar. Në këtë eksperiment do të përfshihen 30.000 të rritur në 89 vende të botës. Efektet anësore: më shumë se gjysma e pjesëmarrësve, që kishin marrë këtë vaksinë raportuan për efekte anësore, të cilat konsiderohen nga ekspertët si normale: të dridhura, dhimbje koke, dhimbje muskulare dhe lodhje.
Pfizer: Pfizer po zhvillon më shumë se një lloj vaksine në partneritet me kompaninë gjermane BioNTech. Studimet e fazës së 1 dhe 2 filuan javën e kaluar. Nëse eksperimentet rezultojnë të suksesshme dhe marrin miratimin e FDA-së, deri në fund të vitit mund të jetë në dispozicion 100 milion doza të kësaj vaksine. Efektet anësore : përgjithësisht ishin mesatarisht të lehta, që zgjatën dy deri në tri ditë duke përfshirë ethe, lodhje dhe të dridhura.
Novavax: Instituti Novavax me bazë ne Maryland shpreson, që vaksina e zhvilluar nga ta të jetë gati për provat e fundit muajin e ardhshëm. Studimet e fazës së parë rezultuan mjaft pozitve. Pjesëmarrësit, që morën vaksinën kishin nivele antitrupash që mund ta luftojnë virusin, dhe të cilët ishin katër herë më të fortë se antitrupat e sistemit imuntiar. Efektet anësore: nga 106 persona që morën vaksinën, pesë përjetuan efekte anësore të rënda, duke përfshirë dhimbje muskujsh, të vjella dhe dhimbje nyjesh, ndërsa të tjerët përjetuan simptoma më të lehta.
