Vetëm pak momente më parë, mjetet e IKMT kanë prishur edhe objektin e 33 në zonën e “Astirit”. Nga operacioni që filloi mëngjesin e sotëm, u prishen 15 objekte njëkatëshe, 11 objekte 2-katëshe, gjashtë objekte 3-katëshe dhe një objekt katërkatësh. Një nga banoret ka folur për gazetaren e FaxNews, Mirilda Tili, e cila shprehet se në orën 05:30 u mbush vendi me policë.
Banorja thotë se, janë hedhur katër gaz lotsjellës dhe dy molotov dhe se gjithçka u bë për të patur viktima dhe jo për të trembur banorët. “U hodh gaz lotsjellës nga policia. Ne ishim të rrethuar nga të katërta anët me polic dhe hodhën edhe molotov.
Natën do e kalojmë jashtë. Na thanë që do prisheshin vetëm tetë banesa të cilat thuhet se kanë marrë dëmshpërblim. Të gjitha banesat dhe bizneset janë prishur me gjithçka ka patur brenda. Të hidhen katër gaz lotsjellës dhe dy molotov, nuk ishin për të trembur por të patur viktima këtu në Astir.”
