Gjykata e Durrësit ka liruar nga qelia Klajdi Xibrakun, i cili është një nga administratorët që kanë pritur një kontejner me banane, brenda të cilës u gjet një sasi prej 143 kilogram kokainë e paketuara dhe stampuar me profilin e Pablo Eskobarit. Pak ditë më parë gjykata e apelit ka liruar edhe bashkëpunëtorin e tij, Erion Peti.
Pak kohë më pare, Klajdi Xibraku dhe Erjon Peti para trupës gjykuese u shprehën se nuk mbajnë përgjegjësi për drogën, por vetëm për mallin që kishin porositur, në këtë rast banane. “S’kemi asnjë lidhje me drogën. Ne kemi porositur vetëm banane dhe nuk kemi asnjë ide qe brenda kishte edhe lëndë narkotike”, janë shprehur para trupës gjykuese.
Policia dyshon se ngarkesa prej 143 kilogram drogë ka ardhur në Shqipëri për llogari të tre grupeve të ndryshme kriminale. Policia ka sekuestruar telefonat celular të dy të arrestuarve si edhe gjithë dokumentacionin e kompanisë.
