Serge Gnabry duket thjeshtë i pandalshëm. Sulmuesi i Bayernit shënoi 4 gola në fitoren e madhe 7-2 ndaj Tottenhamit, duke marrë hak ndaj ekipeve angleze, pasi West Bromwich e konsideroi si të papërshtatshëm për skuadrën e tyre.
Mbrëmjen e djeshme ai u fut në historinë e rekordeve me Gjermaninë, pasi shënoi ndaj Argjentinës në miqësore. Gnabry u bë futbollisti më i shpejtë në historinë e “pancerave” që arrin në kuotën e 10 golave, pas vetëm 11 ndeshjesh. Deri më tani rekordi mbahej nga Miroslav Klose, të cilët ju deshën 13 ndeshje për të arritur në kuotën e 10 golave. Ndaj Albicelestëve shënoi një gol të bukur në minutën e 15-të dhe më pas shërbeu për Havertz një asist në golin e dytë.
