Një ceremoni aspak e zakontë do të jetë për kandidatët e “Golden Globes” këtë vit. Përgatitjet kanë filluar me shpërndarjen e dhuratave për të nominuarit e sezonit të çmimeve që janë një traditë në Hollywood. Ndërkohë shfaqja do të jetë virtuale dhe fituesit do t’i presin trofetë nga shtëpitë e tyre për shkak të protokolleve anticovid.
“Të bësh të gjitha këtë ceremoni çmimesh në mënyrë virtuale është më e mira që mund të bëjmë tani, është e vetmja mundësi sepse të anulosh gjithçka do të dërgonte një mesazh jo të mirë,” shprehet aktori Eugene Levy teksa shpërndan çantat e dhuratave nga një parking në Los Anxhelos. Edhe pse të nominuarit e Hollivudit do të qëndrojnë në shtëpi, Golden Globes këtë të dielë ofron ende shumë arsye për të festuar, pasi për herë të parë kineastet femra po bëjnë histori.
Shfaqja që është e dyta për nga rëndësia pas çmimeve Oscar gjithashtu nderojnë më të mirët në televizion, mund të rritin ose shkatërrojnë fatalisht shpresat e kandidatëve për çmimet e filmit të këtij viti si “Gjykimi i Çikagos 7” dhe “Nomadland”. Ndërsa beteja për dramën më të mirë është e ngushtë, Chloe Zhao shihet si favorite e qartë për regjisoren më të mirë.
Do të ishte një fitore historike, pasi ajo do të ishte femra fituese e dytë në historinë e gjatë të Globeve dhe gruaja e parë me origjinë Aziatike. Një pjesë e shfaqjes do të zhvillohet poshtë rrugës nga Broadway në New York’s Rainbow Room, ku Tina Fey do të bashkohet me prezantuesit Michael Douglas dhe Catherine Zeta-Jones.
