Greqia i është përgjigjur kërkesës së Ukrainës, në konsultim me aleatët e saj në NATO dhe partnerët në BE-së, për të dërguar pajisje mbrojtëse me dy avionë transporti C-130, të cilët do të nisen për në Poloni.
Gjithashtu gjatë ditës do të dërgohen ndihma të konsiderueshme humanitare, të cilat do të shoqërohen nga zëvendësministri i Mbrojtjes Kombëtare, Nikos Hardalias, shkruajnë mediat greke.
Në takimin e drejtuar nga kryeministri Kyriakos Mitsotakis me pjesëmarrjen e ministrit të Mbrojtjes Kombëtare Nikos Panagiotopoulos dhe shefit të ushtrisë greke, gjeneral Konstantinos Floros, morën pjesë edhe Sekretari i Përgjithshëm i Kryeministrit Grigoris Demitriadis dhe ambasadorja Anna-Maria Boura.
