Një banesë është përfshirë nga zjarri mëngjesin e sotëm në fshatin Pojan të Maliqit. Shkak i zjarrit ka qenë një rrjedhja e një bombole gazi.
Pronari i banesës me familjen jeton në Greqi por mësohet se vëllai i tij ka qenë në banesë dhe nuk e ka mbyllur mirë bombolën. Si pasojë e zjarrit banesa është djegur plotësisht.
Ndërkohë një banesë tjetër në Pogradec është djegur po nga zjarri rreth orës 1 të mëngjesit të sotëm. Në banesë jetonin dy të moshuar por fatmirësisht kanë dalë pa u lënduar. Shërbimi zjarrfikës ka bërë të mundur shuarjen e zjarrit duke mos lejuar përhapjen në banesat ngjitur.
