Një grevë urie raportohet të jetë ndërmarrë nga ana e disa të burgosurve në Peqin. Mësohet se, një numër i vogël të dënuarish në bu rgun e sigurisë së lartë kanë refuzuar ushqimin. Burime nga brenda burgut, bëjnë me dije se refuzimi ka ardhur si pasojë e mungesës së takimeve me familjarët e tyre si pasojë e situatës me Covid-19.
Kujtojmë që disa javë më parë, e më konkretisht më 7 tetor afro 250 të dënuar në burgun e Peqinit u futën në grevë. Të dënuarit e parë që kanë nisur këtë revoltë ishin të dënuarit Arbjon Aliko dhe Genci Balla. Të dy këta të dënuar refuzuan të ushqehen, si pasojë e aplikimin të regjimit “41-biss”.
