Antoine Griezmann ka deklaruar se do të jetë shumë e lehtë për të luajtur me Lionel Messi. Ylli francez këtë verë për 120 milionë euro u transferua te Barcelona nga Atletico Madrid.
Grizemann në një intervistë së fundi është deklaruar i lumtur që do të luajë me Lionel Messin, që ka fituar pesë Topa të Artë.
“Do të jetë e lehtë, sepse ne të dy dëshirojmë të luajmë në hapësira të ngushta, të ndihmojmë, të shënojmë gola dhe të kënaqemi me futbollin”, ka deklaruar Griezmann. “Mendoj se do të jetë e thjeshtë, edhe pse do të duhet ta kuptojmë lojën e njëri-tjetrit. Jam në dispozicion për të dhënë gjithçka për ekipin”.
