Derek Chauvin është polici i cili pak ditë më parë i mori jetën afro-amerikanit George Floyd duke i vendosur këmbën në qafë e duke i marrë kështu frymën. Protesta të shumta janë mbajtur kundër policit dhe ngjarja ka shkaktuar një zemëratë të madhe në SHBA. Mediat e huaja bëjnë të ditur se pas kësaj ngjarje, bashkëshortja i ka kërkuar divorcin policit. Kellie Chauvin, ish-fituese e Miss Minnesota është shkatërruar pasi ka marrë vesh për ngjarjen.
“Ajo është shkatërruar nga vd ekja e zotit Floyd, ngushëllimet saj shkojnë për familjen e tij, për të dashurit dhe të gjithë ata që janë hidhëruar nga kjo tr agjedi,” tha zyra avokatore. Derek Chauvin u filmua teksa i vendoste gjurin në qafë amerikanit me ngjyrë, George Floyd. Prokurorët në Hennepin County, Minesota, thonë se provat tregojnë se Chauvin mbajti gjurin e tij në qafën e Floyd për gjithsej 8 minuta dhe 46 sekonda, përfshirë dy minuta dhe 53 sekonda nga të cilat Floyd nuk ishte i vetëdijshëm. Ai humbi jetën pak minuta më vonë.
