Ilkay Gundogan ka folur pas humbjes shokuese të Gjermanisë ndaj Japonisë, 1-4.
Mesfushori i “Pancerave” pranoi gjendjen jo të mirë të kombëtares ku ai luan. Gjermania do të presë kampionatin europian të vitit 2024.
Ekipi i Flick është jashtë formë dhe miqësorja e djeshme me Japoninë e konfirmoi edhe më shumë këtë. Pas një Kupe Bote zhgënjyese në Katar 2022, Gjermani ende nuk e ka marrë veten.
“Duhet ta pranojmë që Japonia ishte në mbrojtje dhe në sulm më mirë se ne dhe fituan me meritë”, thotë Gundogan.
“Mendoj se ndihet se shumë nga lojtarët tanë janë në një luftë mendore me veten e tyre, nuk ka besim, nuk ka kuptim për marrjen e vendimeve dhe qartësisht këto ndeshje dhe rezultate nuk na ndihmojnë”, ka thënë Gundogan.
