Policia ka shpallur në kërkim një person i cili është kapur nga kamerat duke grabitur një dyqan për këmbim valutash. Më konkretisht në Durrës në lagjen nr. 1 rreth orës 12:45, një person i paidentifikuar ka kërcënuar me pistoletë lodër me qëllim marrjen e një shume parashë nga një dyqan të këmbimit valutor. Policia ka shkuar në vendin e ngjarjes dhe po punon për zbardhjen e rastit si dhe kapjen e autorit.
Njoftimi i policisë: Durrës, Rreth orës 12:45, në lagjen nr. 1, Durrës, një shtetas ende i paidentifikuar ka hyrë në një dyqan për këmbim valutash dhe në kërcënimin e një pistolete lodër, ka tentuar të marrë një shumë parash.
Shërbimet e Policisë kanë shkuar menjëherë në vendin e ngjarjes dhe po kryejnë kontrolle në zonë, për kapjen e autorit.
Grupi hetimor vijon punën për zbardhjen e rrethanave të rastit, identifikimin dhe kapjen e autorit.
