Policia gjermane ka arrestuar një 38-vjeçar shqiptar, pasi rezulton nga autoritetet atje si një nga hajdutët më të kërkuar në Gjermaninë jugperëndimore. Ai akuzohet për vjedhje në zonën e Mainz. 5 vjet më parë, policia në Mainz konstatoi se në atë zonë kryheshin shumë vjedhje dhe metoda ishte gjithmonë e njëjtë: hajduti shponte kornizat e dritares dhe më pas hapte dritaret. Si pjesë e hetimit, policia siguroi gjurmë të ADN-së. Rezultoi se të gjitha krimet janë kryer nga i njëjti autor.
Hetuesit e quajtën hajdutin vetëm “fantazmë” sepse nuk kishte asnjë provë të autorit të veprës penale përveç gjurmëve të ADN-së. Në mediat gjermane thuhet se shqiptari u identifikua nga autoritetet franceze. Për shkak të numrit të madh të krimeve, ende nuk është e mundur të thuhet se sa vjedhje janë kryer 38-vjeçari.
