Tentoi të grabiste një banesë, përfundon në pranga shqiptari. Ngjarja ka ndodhur në San Fermo della Battaglia, ku një 37 vjeçar shqiptar, bashkë me një tjetër, tentuan të vidhnin banesën, por në momentet e para u zbuluan nga nga pronari i saj. Ky i fundit njoftoi policinë, madje duke i dhënë edhe targën e një makine me të cilën tentuan të largohen.
Gjithashtu autoritetet kishin marë njoftim për vjedhjen e një apartamenti në Montano Lucino nga persona, që kishin përdorur të njëjtën makinë. Në momentin e ndalimit, në automjetin e vjedhur, i cili drejtohej nga 37-vjeçari shqiptar, policia gjeti 1.500 euro kesh, sende ari, çelësa dhe mjete që përdoreshin për realizimin e vjedhjeve. Makina, rezultoi se ishte grabitur në provincën e Varese më 17 dhjetor.
