Nga bashkia Përmet, Heroi përmetar që na bën krenar’/ DOKTOR AFRIM YZEIRI në fillim të viteve ’80 erdhi në Përmet një familje e nderuar. Yzeirët vinin nga Kosina dhe në qytet u mirëpritën nga të gjithë. Të respektuar, punëtorë mes tyre spikaste Afrimi.
Nxënës i shkëlqyer por edhe një volejbollist me talent. Përfundon edhe gjimnazin dhe shkon për studime universitare në Tiranë në shkencat mjekësore… Vitet kaluan dhe sot është një nga mjekët më të njohur pranë urgjencës së sëmundjeve të brendshme në QSUT “Nënë Tereza” në kryeqytet.
I aftë, i zoti, profesionist me një modesti të admirueshme doktor Afrimi nuk kursen as ndihmë, as kurajo e as buzëqeshje për çdo të sëmurë. Punon aty në çdo orë e me turne duke pritur e shëruar dhjetra, qindra, mijëra pacientë. Është aty i palodhur duke shëruar dhimbjet e çdokujt. Faleminderit doktor Afrimi, mirënjohje për ty dhe do mjek e infermier e sanitar këto kohë të vështira pandemie!
