Deputeti i PS-së, Taulant Balla ashtu si kishte paralajmëruar një ditë më parë ka dorëzuar sot në prokurorinë e Tiranë prova te tjera ne lidhje me kallëzimin penal për kreun e PD-së, Lulzim Basha.
Deputeti socialist e akuzon Bashën për shpifje lidhur me akuzat për çështjen e Toyota Yaris që u kapën me miliona euro të padeklaruara në Durrës.
Balla thotë se është informuar në lidhje me hetimin dhe sipas tij në ffund Basha do të jetë një person përgjegjës sipas Kodit Penal dhe do të mbajë përgjegjësinë që i takojnë.
“Sot erdha në prokurori për të depozituar provat mbi të cilat kam bazuar këtë kallëzim penal dhe dua t’u them se kam bindjen se ky hetim po ecën shumë mirë dhe në fund të këtij hetimi Basha do të jetë një person që sipas Kodit Penal do të mbajë përgjegjësitë që i takojnë”- tha ai.
