Kanë jo të pakta ankesat e qytetarëve për transportin publik qytetës, duke filluar nga mungesa e higjienës, vonesat në stacione e kushtet jo të mira, ndërsa tashmë në terren, për monitorimi e situatës është angazhuar Task Forca e Transportit Rrugor.
Me një postim në Facebook, Ministria e Infrastrukturës dhe Energjisë bën me dije se kanë nisur kontrollet në urbanë për dokumentacionet përkatëse, duke filluar nga Aktet e Vlerësimeve që kanë të bëjnë me komoditetin dhe respektimin e kushteve higjenizues gjatë transportit të udhëtarëve, vlefshmëria e kontrollit teknik dhe deri te vlefshmëria e dokumentave për respektimin e orareve !
Këto aksione do të shtrihen në të gjithë territorin e në çdo qytet. Në postimin e Ministrisë theksohet se nuk do të tolerohet asnjë subjekt i cili nxit ndotjen e ambientit për shkak të mosplotësimit të kushteve teknike gjatë qarkullimit. Ndotja, kushtet e këqija të sigurisë dhe mosrespektimi i komoditetit të udhëtarëve do të ndëshkohen rëndë, deri në pezullim licence!
