Barnat që kanë në përbërjen e tyre Ranitidinë nuk do të lejohen më të qarkullojnë dhe përdoren nga qytetarët. Pas njoftimit të Agjencisë Europiane të Barnave se ky preparat dyshohet se është potencialisht kanceroz. Agjencia Kombëtare e Barnave dhe Pajisjeve Mjekësore në vendin tonë ka nisur tërheqjen nga tregu.
“Një pjesë e distributorëve farmaceutikë të cilët kanë importuar barin me lëndë aktive “Ranitidinë” kanë filluar tërheqjen vullnetare të tij nga tregu, ku mes tyre është edhe bari “Zantac” me MAH-Glaxo Wellcome UK, ndërkohë që pjesës tjetër i kërkohet marrja e masave të menjëhershme për tërheqja e tij nga tregu farmaceutik”. Pas tërheqjen nga farmacitë, Drejtoresha e Agjencisë së Barnave apeloi dhe mjekët të mos e përshkruajnë në receta. “Agjencia u kërkon të gjitha institucioneve shëndetësore (spitale publikë, spitale privatë dhe qendra shëndetësore) të mos e përdorin këtë medikament gjatë trajtimeve, si dhe mjekëve të mos e përshkruajnë në recetë. Profesionistëve të shëndetit u është kërkuar të pezullojnë dhënien e këtyre barnave”.
Barnat që kanë në përbërjen e tyre Ranitidinë përdoren nga qytetarët në dhimbjet e stomakut, shpesh dhe pa rekomandimin e mjekut. Pas alarmit që në përbërje të disa barnave me princip aktiv Ranitidinën janë konstatuar substanca kancerogjene, shume vende europiane, ndaluan qarkullimin tyre.
