Hiqni dorë nga uji me limon dhe filloni ta përdorni përzierjen e re të përbërë vetëm nga uji dhe xhenxhefili. I njohur edhe në formë të çajit me xhenxhefil, kjo përzierje është përhapur shumë, për shkak të vlerave shëndetësore që ka. Teknikisht, xhenxhefili është përdorur që para shumë vitesh për të trajtuar dhimbjet e barkut, diarrenë dhe vjelljen.
Studimet e bëra kanë gjetur, se një përbërës i xhenxheflit, i quajtur xhinxherol, ka potencial të luftojë qelizat kancerogjene. Studimet të tjera kanë treguar se xhenxhefili ka aftësi ta luftojë edhe osteoartritin dhe inflamacionet. Zvogëlimi i sasinë së kolesterolit, gjithashtu është një benefit tjetër që xhenxhefili ka për shëndetin e njeriut. Mirëpo cilat janë efektet anësore të xhenxhefilit?
Lajmi i mirë është se ky produkt ka shumë pak efekte anësore. Gjithsesi, gratë shtatëzëna duhet ta kenë parasysh të mos konsumojnë sasi të lartë të xhenxhefilit. Është shumë e rëndësishme ta përgatitni vet çajin e xhenxhefilit, për ta bërë sa më natyral dhe të freskët.
