Categories Kulture

Historia e detektivit Sherlok Holms vjen në Teatrin e Metropolit

Shfaqja “Sherlok Holms dhe Langoi i Baskervillëve” nga Ken Ludvig dhe regji nga Shkëlzen Berisha do të jetë premiera e fundit për këtë sezon në Teatrin Metropol. Premiera e kësaj vepre do të jetë më 13 dhjetor. Një histori e njohur, në Londrën e viteve 1890, ku flitet për një detektivi imagjinar i krijuar nga autori britanik Sir Arthur Conan Doyle, e përshtatur për skenë teatri nga dramaturgu Ken Ludving.

“Sherlok Holmes dhe Langoi i Baskervillëve” është një vepër që bashkon dy zhanre letrare popullore: përrallën gotike dhe trillin e letërsisë detektive. Kjo komedi e cila do të vihet në skenë në datën 13 dhjetor mban të ngacmuar kureshtjen e publikut për të lidhur fijet e ngjarjeve dhe shijuar në maksimum procesin e zbulimit. Ndërsa trupa e përbërë nga shtatë aktorë do të sjellin në skenë një mori personazhet.

Rozi Kostani interpreton në rolin e Doktorit Uatson, ndërsa Gentian Hazizaj në rolin e Sherlok Holmsit ndërkohë aktorët e tjerë Herjon Mustafaraj, Mirela Naska, Amri Hasanbelli, Ermir Hoxhaj, Klodjana Keco do të sjellin rreth dyzet karaktere mes situatash plot humor. Regjisori Berisha ka punuar për një spektakël dinamik, plot ngjyra dhe gjallëri, plot energji që shpërthen nga ironia e situatave, në të cilat pritshmëria dhe realiteti janë në kundërshtim me njëri-tjetrin. Ritmi, ngjyrimi dialektor, puna me gjuhën dhe theksat, harmonia mes fjalës dhe gjestit tek individi dhe pastaj mes ansamblit kanë qenë sfidat e këtij procesi mjaft të pëlqyeshëm.

“Çdo gjetje apo element duhet të bazohet në saktësi dhe harmoni”, thotë ai, ndaj procesi ka angazhuar potencialet edhe të njohura edhe të panjohura të aktorëve, për të bërë të pandjeshme ngarkesën dhe arritur një nivel profesional të pëlqyeshëm dhe mikpritës nga publiku”, thotë ai.

Romani përdor temat dhe simbolet tipike gotike: një mallkim familjar dhe një legjendë për një qen paranormal dhe djallëzor, një hero i bllokuar në një vend të çuditshëm, shkelja e tabuve morale, shqopishtet e zymta që mbajnë sekrete të këqija, hijet e errëta, dhe peizazhe të tmerrshme, të mbuluara nga mjegulla. Sherlock Holmes sulmon legjendën e mallkimit Baskerville me armën e arsyes dhe të metodave shkencore të vëzhgimit, analizës dhe përfundimit. Megjithatë, kur Sherlock Holmes nuk është në tregim dhe Dr.Utsoni drejton komplotin, elementët gotikë e marrin përsipër rrjedhën e tij. “Kam qenë i interesuar gjatë procesit, thotë regjisori,- që të punoj në disa nivele shprehimore të cilat në bazë kanë drejtpeshimin.

Ngërthimi i i formësimit të dialogut të personazheve me një gjuhë të sjellë më një freski dhe larmishmëri që të kujton kohët e vjetra dhe i shkon për shtat situatave, me realizimin artistik. Kombinimi i disa formave teatrore, të cilat e stërvitin aktorin që të evitojë emocionet përzier me energji të tepërta, duke synuar përthyerje të shpejta dhe ngacmuese dhe i japin publikut një zinxhir situatash mjaft të gjalla që ndryshojnë dhe transformohen çdo çast”.

Skenografia transformohet aty për aty duke mbajtur aktive imagjinatën e publikut gjatë gjithë kohës dhe duke u shërbyer ngjarjeve njëkohësisht, por edhe tensionit të veprimit të personazheve.

“Për ta përmbledhur, mund të them se zbulimet e Sherlokut dhe Uatsonit, na kanë nxitur një seri zbulimesh të tjera në mënyrën se si kjo shfaqje do të prezantohet para publikut dhe me gjithë lodhjen, jam mjaft i kënaqur për të gjitha eksplorimet e reja që kemi mundur të përfytyrojmë, takojmë dhe realizojmë. Tashmë mbetet shkëmbimi me publikun, që është edhe reflektuesi praktik i gjithë kësaj pune”, shton Berisha.

Shfaqja do të jetë në sallën “Shekspir” në Teatrin Metropol në datat 13,14,15,16 Dhjetor, në orën 19:00 dhe do të vazhdojë përsëri në Janarin e vitit të ri. Shkëlzen Berisha është një aktor dhe regjisor shqiptar nga Kosova, i cili vjen nga një përvojë 7-vjeçare në Britani si aktor, drejtues dhe praktikues i programeve të Dramës dhe Teatrit. Më pas ka zhvilluar aktivitetin në Kosovë si Drejtor Artistik në Teatrin e Gjilanit dhe më pas në Tiranë, si Drejtor Ekzekutiv i Qendrës së Hulumtimit Progresiv. Aktiviteti i tij shtrihet edhe tek përkthimet dhe dramaturgjia. Rreth 40 vepra të përkthyera prej tij janë vënë në skenë në teatro në Shqipëri, Kosovë, Maqedoni dhe Mal i Zi.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Kulture

Fest Folk 2024 “Sofra Konispolate”, nata e dytë me dhjetra grupe artistike nga Konispoli, Saranda, Delvina, si dhe nga mbarë Shqipëria dhe Kosova

Për dy netë radhazi, me nismën e bashkisë së Konispolit dhe mbështetjen e Këshillit të…

LEXO ME SHUME
Categories Kulture

Në Pallatin e Kulturës “Labëria”, u zhvillua faza finale e festivalit “Gurra Folk Fest”, edicioni i VI

Për të gjashtin vit radhazi, Drejtoria Rajonale e Trashëgimisë Kulturore Vlorë, në koordinim me Drejtorinë…

LEXO ME SHUME
Categories Kulture

Përkujtohet Kuvendi i Besës në Senicë

Në fshatin Senicë, të njohur si “ballkon” i krahinës së Rrëzomës, 254 vite më parë…

LEXO ME SHUME
Categories Kulture

Këngëtari grek u kërkon falje shqiptarëve: Faleminderit shumë! Disa herë Greqia ju ka lënduar

Këngëtari grek Andonis Remos ka dhënë një koncert mbrëmjen e djeshme në Pallatin e Kongreseve…

LEXO ME SHUME
Categories Kulture

Biblioteka Publike “Dritëro Agolli” Fier, pēr të tretin vit radhazi nderon me çmime lexuesit më të mirë të vitit

Biblioteka Publike “Dritëro Agolli” Fier, pēr të tretin vit radhazi nderon me çmime lexuesit më…

LEXO ME SHUME