Më 2 gusht, kryeministri i Kosovës, Avdullah Hoti, kishte njoftuar se është infektuar me koronavirus. Këshilltari për media i kryeministrit, Xhavit Beqiri, tregoi për T7 për gjendjen e kryeministrit. Me 2 gusht njoftoi se është infektuar me virusin korona. Në statusin e tij në Facebook kryeministri Hoti pati treguar se simptoma e tij e vetme është një kollë e lehtë.
E tash kur kanë kaluar 2 javë që nga dita kur rezultoi pozitiv me koronavirus, Avdullah Hoti është në gjendje të mirë shëndetësore. Ani pse gjatë së dielës, u raportua se ai është shëruar nga Covid 19, një gjë e tillë nuk u konfirmua nga këshilltari i tij për media, Xhavit Beqiri.
Gjatë kësaj kohe, kryeministri kreu punët e tij nga shtëpia. Ai këto dy javë, mbajti një mbledhje elektronike të qeverisë, ku miratoi vendimin për hapjen e kufijve me shtetet fqinjë, si dhe plotësimin e ligjit për festat zyrtare. Ende nuk dihet se kur do të dalë në zyrën e tij, por me 2 shtator i njëjti do të jetë mysafir në Shtëpinë e Bardhë në Uashington bashkë me presidentin e Serbisë, Aleksandër Vuçiq.
Mirëpo, këshilltari për media i kryeministrit nuk dha detaje për agjendën e këtij takimi. Ndryshe, ambasadori Grenell përmes një postimi në Twitter njoftoi se ata do takohen për projekte madhore të bashkëpunimit ekonomik që do ta ndërrojnë perspektivën ekonomike të Kosovës dhe rajon.
