Personazhi i pagëzuar si “Hulku Iranian”, i cili zyri faqet e para të gazetave, pas deklaratës së tij se do t’i bashkohej ushtrisë për të luftuar Shtetin Islamik i është bashkuar Kampionatit të Luftimeve të Boksit pa Doreza. Sajad Gharibi, i cili peshon mbi 170 kg, njihet ndryshe dhe si Herkuli Persian. Ai i përdor shpesh rrjetet sociale për të nxjerrë në pah fizikun e tij të pabesueshëm. Sipas presidentit të Kampionatit të Boksit pa Doreza, David Feldman, 27-vjeçari do t’i bashkohet këtij sporti duke filluar nga viti 2020. “Do të organizojmë një show të titulluar “SHBA kundër Iranit, Lufta e Tretë Botërore”, deklaroi Feldman.
