Një 40-vjeçar të cilin Policia e Elbasanit e shpalli të humbur një ditë më parë, sot është paraqitur në repartin e Kirurgjisë së spitalit të qytetit. Lajmi konfirmohet nga burime për Panorama pranë spitalit. Bëhet fjalë për Rrapush Çeça, i cili kishte humbur kontaktet me familjaret e tij prej mëngjesit të së premtes.
Kanë qenë familjarët e 40-vjeçarit që të shqetësuar kanë alarmuar uniformat blu. 40-vjeçari kishte dalë nga banesa me automjetin e tij me targa AA 531 VS.
Sipas familjarëve, ai po shkonte të kryente disa ekzaminime, pasi nuk ishte ndjerë mirë e pasi kishte marrë fëmijët e tij nga shkolla, ishte larguar për të kryer kontrollet mjekësore në spital. Pritet që pas marrjes në pyetje nga policia, e cila kishte nisur kërkimet për gjetjen e tij, të zbardhen detaje rreth zhdukjes së tij prej disa orësh.
