Një aksident tragjik ka ndodhur në Itali, ku për pasojë ka ndërruar jetë një 24-vjeçar nga Shqipëria. Ngjarja e rëndë ka ndodhur një ditë më parë, rreth orës 19:00, në provincën e Ternias.
Viktima është Ricardo Kahuqi i cili në momentin e aksidentit po drejtonte një motor. Mediat italiane bëjnë me dije se viktima ishte bashkë me të dashurën e tij, 22-vjeç, e cila arriti të shpëtojë.
Mësohet shqiptari ka humbur kontrollin e mjetit, duke dalë jashtë rrugë. Sipas mediave italiane, motori ka kaluar në korsinë e kundërt dhe ka goditur nga pas një mjet tjetër, që rezultoi fatale. Ekipet e shpëtimit kanë mbërritur menjëherë në vendin e ngjarjes, por 24-vjeçari nuk ka mundur të shpëtojë. Ndërkaq e dashura e tij ndodhet në spital, duke marrë mjekimet e duhura.
