Policia e Matit ka arrestuar një 49 vjeçar i shpallur në kërkim dhe i dënuar me 2 vite burg për “Armëmbajtje pa leje”.
Në pranga ka rënë Shkelzen Tefaj.
“Këtë shtetas, Gjykata e Apelit Tiranë pas hetimeve dhe verifikimeve të kryera e ka dënuar me 2 vite burg, për veprën penale “Armëmbajtje pa leje” njofton policia.
Tefaj ishte arrestuar më parë nga Policia, në dhjetor, 2020, pasi shërbimet e Policisë në bazë të informacioneve të grumbulluara në rrugë operative i gjetën në banesë një armë zjarri pushkë, një armë gjahu dhe një sasi municioni luftarak.
Gjykata e Rrethit Gjyqësor Mat, në vitin 2020, ndaj tij caktoi masën e sigurisë “Arrest në shtëpi”.
Pas vendimit të Apelit, e cila e dënoi me dy vite burg, ky shtetas që prej 28 marsit 2022 u largua nga banesa dhe pas informacioneve të marra në rrugë operative u bë e mundur kapja dhe ndalimi i tij.
Materialet procedurale i kaluan Prokurorisë Mat për veprime të mëtejshme.
