Reperi Gashi e ka treguar gjithmonë dashurinë për Shqipërinë. Këtë herë, ai ka vendosur që të krijojë dicka tepër të vecantë, në mënyrë që e gjithë bota të njohë shqiponjën dykrenare. Gashi surprizoi fansat me anë të një postimi në Instagram, ku në fotografi janë një palë këpucë Nike të personalizuara.
Ato mbajnë emrin Gashi dhe janë të shoqëruara me kapucin e famshëm që përdor reperi dhe shqiponjë dykrenare. Nuk dihet ende nëse firma do i nxjerrë në treg për të gjithë këto këpucë apo i kanë realizuar vetëm për Gashin. Kujtojmë se në Sunny Hill, reperi u shfaq me një bluze me shqiponjë dhe nuk harroi të tregonte varësen me të njëjtin simbol, të cilën nuk e heq nga qafa.
