Një boksier shqiptar është shpallur në kërkim nga policia greke pasi është përfshirë në një sherr me një 36-vjeçar grek i cili tani ndodhet në gjendje të rëndë për jetën.
Mediat raportojnë se sherri ka ndodhur mbrëmjen e së premtes në Elefsinë, kur 36-vjeçari Thanos Adam është konfliktuar me shqiptarin.
36-vjeçari është i intubuar në spitalin Atticon me hematoma të shumta në kokë ndërsa shqiptari është arratisur dhe po kërkohet nga policia.
Boksieri shqiptar i cili është i njohur në zonën e Elefsinës e ka goditur me grusht në kokë 36-vjeçarin dhe e ka lënë të gjakosur në rrugë.Policia dyshohet se di të dhënat e plota të autorit shqiptar dhe sipas raportimeve është çështje kohe që ai të arrestohet para se të ndodhë një tjetër incident.
