Në policinë e Tiranës ka mbërritur një denoncim nga një 45-vjeçare, pasi e kanë mashtruar duke i marrë 1 milion e 600 mijë lekë (të vjetra).
Ajo ka thënë në polici se një grua i kishte shkuar në banesë dhe përmes mashtrimit i kishte marrë paratë. Akoma nuk dihet se si ka arritur që ti marrë shumën e parave gruaja, e cila nuk është identifikuar ende. Policia po punon për zbardhjen e plotë të ngjarjes dhe arrestimin e saj.
“Më datë 20.03.2021, shtetësja L. T., 45 vjeçe, kallzon se në rrugën “Skender Jareqi”, në banesë, i ka shkuar një grua (e paidentifikuar), e cila në anë të mashtrimit i ka marrë shumën prej 160.000 lekë. Punohet për identifikimin dhe kapjen e autores. Materialet u referuan në Prokurorinë pranë Gjykatës së Shkallës Parë Tiranë, për veprime të mëtejshme”,- thuhet në njoftimin e policisë.
