Një shqiptar humbi jetën sot pasi zjarri shpërtheu në fabrikën e kanabisit ku ai punonte. Autoritetet britanike e kanë identifikuar, ai ishte Margaritis Xhindi, 43-vjeç nga Shqipëria, i cili kishte shkuar në Britaninë e Madhe në mënyrë të jashtëligjshme dhe besohet se mbahej kundër vullnetit të tij si punëtor në fabrikë.
Besohet se kjo fabrikë prodhonte kan abis në shkallë industriale, ndaj ishte e mbyllur dhe shqiptari e pati të pamundur të dalë kur ra zjarri.
Në rrjetet sociale familjarët kanë shprehur hidhërimin për ngjarjen, duke thënë se Xhindi ishte baba i tre fëmijëve që punonte fort për t’i ndihmuar ata. Autoritetet në Britani kanë nisur hetimet për zbulimin e pronarëve të fabrikës së kan abisit.
