Kalon në fazën e dytë konkursi i përzgjedhjes së infermierëve në sistemin shëndetësor publik. Ministrja e Shëndetësisë dhe Mbrojtjes Sociale, Ogerta Manastirliu njoftoi se është gati faza 2 e konkursit nëpërmjet portalit “Infermierë për Shqipërinë” për punësimin e infermierëve dhe profesionistëve të shkencave mjekësore teknike në sistemin shëndetësor publik. Nga data 9 Shtator e në vijim, pranë Qendrës së Shërbimeve Arsimore do të zhvillohet provimi i digjitalizuar. Ministria ka shpallur edhe kalendarin me profilet, datat dhe oraret për zhvillimin e testimit të informatizuar. Aktualisht janë shpallur listat për profilin infermier, ndërsa për profilet e tjera lista do të shpallet në ditët në vijim.

Kalendari