Eshtë përmbushur detyrimi ligjor për vendosjen e veprimtarisë inspektuese të të gjithë Inspektorateve Shtetërore, në parametrat e zbatimit të ligjit, për të patur një proces inspektimi me standarde të drejta dhe të rregullta ligjore gjatë vitit 2018
Sot inspektori i përgjithshëm, Shkëlqim Hajdari ka zhvilluar një takim me inspektorë të bashkisë së Vlorës për të prezantuar rregulloren për përcaktimin e procedurës së inspektimeve si një proces rregullut administrativ.
Si rezultat i këtij standardizimi është ulur barra ndaj biznesit, është shmangur korrupsioni dhe klientelizmi i trupave inspektuese, një plagë e vjetër kjo, në veprimtarinë inspektuese në Republikën e Shqipërisë. Sipas Hajdarit, në vitin që lamë pas, kjo veprimtari përfshiu edhe Inspektoratet Vendore, konkretisht Bashkia e Tiranës, iu bashkua sistemit online të kryerjes së inspektimeve, ndërsa shumë shpejt sistemi do të vendoset edhe në Bashkinë e Vlorës.
