Interi nuk ia ka dalë në “San Siro” teksa është ndalur në një barazim 1-1 ndaj Atalantës. Zikaltërit e nisën në mënyrën më të mirë të mundshme ndeshjen, për arsye se në minutën e katërt e panë veten në avantazh. Dyshja Lukaku dhe Lautaro kombinuan mes tyre dhe argjentinasi ndërsa argjentinasi gjeti fundin e rrjetës.
Megjithatë, me kalimin e minutave, bergamaskët arritën të merrnin veten ndërsa pretenduan edhe për një penallti, edhe pse nuk ishte i këtij gjyqtari i ndeshjes, Roki. Sakaq, në fraksionin e dytë, skuadra e Gjimshitit ishte e orientuar drejt sulmit për të gjetur golin e barazimit, i cili erdhi në minutën e 75 falë Gosens. Mesfushori përfitoi edhe nga një hezitim i mbrojtjes së Interit për të larguar rrezikun.
Në minutën e 88-të, Muriel kishte mundësinë më të mirë për t’i dhuruar të tijve tre pikët e plota por goditja e kolumbianit nga pika e bardhë u ndal nga portieri Handanoviç. Në minutat e mbetura rezultati nuk ndryshoi dhe skuadrat ndanë nga një pikë, teksa Interi merr momentalisht e vetme kryesimin me një pikë diferencë nga Juventusi, por këta të fundit me një ndeshje më pak. Ndërsa, Atalanta mbetet në vendin e pestë me 35 pikë.
