Një pjesë e konsiderueshme e lagjeve te qytetit të Vlorës, do të përfitojnë nga një investim i rëndësishëm i qeverisë shqiptare në drejtim të përmirësimit të furnizimit me ujë të pijshëm.
Janë shpallur firmat fituese si dhe nisi punua për përmirësimin e furizimit me ujë të lagjeve Partizani, Llonxhe, Karabash, ish-Fabrika e Cimentos.
Nga ky investim do të përfitojë edhe fshati Babicë e Vogël në Njësinë Administrative Qendër.
Drejtori i Ujësjellës Kanalizime në Vlorë, Shkëlqim Leskaj shpreh kënaqësinë e tij për nisjen e këtij investimi të rëndësishëm. Investimi do të përfundojë për 12 muaj, por sipas drejtorit Leskaj, punimet mund të përfundojnë edhe më shpejtë.
Kështu, problematika e furnizimit me uje per shkak te rrjetit te amortizuar ne lagjet Partizani, Llonxhe, Karabash, ish-Fabrika e Çimentos, si dhe ne Babicë të Vogël do të marrë fund me këtë investim të rëndësishëm që do të përmirësojë ndjeshëm furnizimin me ujë për këta banorë në këto lagje. Vlera e investimit eshte 244. 854. 905 lekë me TVSH.
