Duket se ndryshimi te Triestina vjen nga pankina, aty ku trajneri Massimo Pavanel i ka dhënë fund eksperiencës. Rezultatet negative detyruan drejtuesit të heqin dorë nga 51 vjeçari dhe tashmë janë vënë në lëvizje për të gjetur pasuesin e tij. Të shumtë janë kandidaturat, teksa në sy bie emri i ish-trajnerit të Partizanit e Skënderbeut, Andrea Agostinelli. Tekniku milanez është ende në kërkim të një skuadre të re dhe Triestina shihet si opsioni i duhur për të.
Gjithsesi, kandidati potencial për të marrë drejtimin e skuadrës së Seria C është Giuseppe Pillon, çka mund ta detyrojë Agostinellin për të qëndruar ende në pritje të një telefonate.
