Ish-sulmuesi i njohur brazilian, Ronaldo Luis Nazario de Lima, i ashtuquajtur “Fenomeni”, është detyruar të qëndrojë në izolim së bashku me familjen e tij, pasi ka pasur kontakt me një person që ka rezultuar pozitiv me koronavirus.
Braziliani ka marrë përgjigjen e testit për COVID-19, teksa për fat të mirë ka rezultuar negativ. Por, duke qenë se një test i vetëm nuk është 100% i sigurt, atëherë është këshilluar të qëndrojë i izoluar për të evituar çdo të papritur.
Në këtë mënyrë, Ronaldo nuk do të mund të jetë i pranishëm edhe në nje event për finalen e Champions League mes PSG dhe Bayern Mynih, por në këto raste shëndeti merr prioritetin kryesor. Ndaj, deri në pritjen e përgjigjes nga testet e tjera, Ronaldo është i detyruar të qëndrojë në karantinë.
