Situata në Itali ashtu sikurse në të gjithë Europën, për sa i përket koronavirusit, vijon të mbetet tepër problematike. Në gadishullin Apenin janë regjistruar shifra tepër të larta për sa i përket infektimeve dhe vdekjeve nga Covid-19 në 24 orët e fundit.
Autoritetet shëndetësore konfirmojnë se janë regjistruar 22253 raste të reja, ndërsa 233 qytetarë kanë humbur jetën. Në 24 orët e fundit janë kryer vetëm 135 mijë tamponë, gati 50 mijë më pak se një ditë më parë.
Të shtruar në terapi intensive dhe në luftë me vdekjen janë 2022 pacientë (një ditë më parë ishin 1.939), njofton Ministria italiane e Shëndetësisë.
Rajoni më i prekur vijon të jetë sërish Lombardia me 5278 raste ditore (dje 8607), ndërsa pas saj rënditen: Campania 2.861 (dje 3.860), Toscana 2.009 (dje 2.379), Piemonte 2.003 (dje 2.024), Lazio 1.859 (dje 2.351), Emilia Romagna 1.652 (dje 1.758), Veneto 1.544 (dje 2.300).
