Ditën e sotme mbi 50 persona u arratisën nga burgjet e Foggias dhe Rebibias në Romë ku gjatë trazirave kanë humbur jetën edhe 6 persona.
Pas disa orësh ndjekje shumë persona janë kapur nga autoritetet italiane ndërkohë shumë të tjerë jan rikthyer vetë në burg.
Në një lidhje direkte me gazetaren e Ora News në Itali, Alba Kepi informon se një prej motiveve të arratisjes së tyre është mungesa e sigurisë nga koronavirusi.
Gjithashtu një tjetër motiv është vendimi i qeverisë italiane për anulimin e të gjithave takimeve në burg deri në 21 maj 2020
Alba Kepi: Në këto momente shfaqet preokupuese gjendja në burgun e Romës. Janë video që janë publikuar dhe në rrjete sociale të personave të burgosur që kanë pushtuar godinën dhe po djegin dyshekë dhe ambjente të brendshme të godinës. Është kthyer në normalitet situata në burgun e Rebibias në Romë ndërkohë që në burgun e Foggias ka mbaruar një mbledhje me autoritetet e Prefekturës dhe drejtorin e burgut. Thuhet por presim ende burimet zyrtare që të konfirmohen se mjaft të burgosur nga Foggia janë kthyer me dëshirën e tyre në burgje ndërsa po konfirmohen dhe dëmet. Por verifikohen se sa persona janë kthyer dhe se sa të tjerë janë ende në arrati. Motivi është vendimi i marrë për të pezulluar takimet deri në 21 maj të 2020. Një tjetër motiv është fakti se si të burgosur si dhe punonjësit e burgjeve kanë sinjalizuar disa herë në autoritetet italiane se nuk ndihen të sigurt për sa i përket koronavirusit. Shpeshherë burgjet në Itali janë përfshirë në debate evropiane për kushtet në të cilat ndodhen të burgosurit. Sot në konferencën kreu i departamentit të mbrojtjes civile italiane thonë se kanë vënë në dispozicion rreth 100 mijë maska për strukturat e burgut. Nuk janë të mjaftueshme.
