Italia në 24 orët e fundit ka pësuar një ngritje të lehtë të rasteve të reja me Covid-19. Në 24 orët e fundit në shtetin fqinj janë regjistruar 13.762 raste të reja ndërkohë që një ditë më parë ishin 12.074. Ndërsa të v dekurit në 24 orët e fundit janë 347 persona, ndërkohë që dje ishin 369 viktima.
Që nga fillimi i pandemisë në Italia kanë vdekur 94.887 persona. Situata në spitale është e qëndrueshme, ndërkohë që ka një ulje të lehtë të personave të shtruar në repartet e tjera Covid. Në terapi intensive janë 2.045 persona, ndërsa në të gjitha spitalet covid janë 17.963 persona. Niveli i infektueshmërisë mbetet në shifrat 4.77%.
