Italia ka zyrtarizuar datën e rihapjes për të gjithë aeroportet në vendin e saj. Ministrja e Transporteve Paola de Micheli ka bërë të ditur se është vendosur data 3 qershor për rifillimin e fluturimeve.
“Do të jetë e mundur të vazhdohet me rihapjen e të gjitha aeroporteve duke filluar nga 3 qershori, kur do të rifillojnë fluturimet”, tha ministrja. De Micheli shtoi se kufizimet aktuale kombëtare dhe ndërkombëtare do të përfundojnë gjithashtu për transportin publik brenda vendit.