Ministria e Shëndetësisë njofton se në 24 orët e fundit janë shënuar 5 raste të reja në vendin tonë, një ulje e numrit nga dita e djeshme e cila shënoi 15 raste.
24 orët e fundit janë testuar 204 qytetarë, ku prej tyre 5 kanë dalë pozitivë. 3 në Durrës, 1 në Tiranë dhe 1 në Krujë. Ndërkohë në spitalin Covid janë 14 pacientë të shtruar dhe 3 prej tyre në terapi intensive. Deri më tani janë kryer në total mbi 13.000 testime, ku prej tyre kanë rezultuar 969 raste pozitive, me rreth 80% të tyre të shëruar tashmë.
